Un xogo de acción deportiva futurista. Rocket League, equipa aos xogadores con coches cargados de nitro que chocarán con balóns xigantes facendo dos partidos de fútbol algo épico.

Tipo de competición: Brackets simples 3 vs 3. Eliminatoria simple.

Versión: PC

Normativa específica

• Eliminatoria directa.
• Disputarase un só partido por emparellamento (BO3).
• Os equipos deberán estar formados por 3 persoas. Deberá crear a partida aquel que vaia pola parte superior do cadro.
• Serán os propios xogadores os encargados de poñerse en contacto cos seus rivais. No caso de que un xogador non se presente, deberase informar á organización para que poida tomar as medidas axeitadas.
• Unha vez terminada a rolda, o gañador deberá subir os resultados á intranet.
• Recoméndase gardar unha captura da pantalla cos resultados finais, aínda que non é obrigatorio.
• Se unha vez terminado o horario da rolda, non existen eses resultados, aqueles que non os presentaron, quedarán automaticamente eliminados.

Configuración da partida

• Default Arena: DFH Stadium*
• Tamaño de equipo: 3vs3
• Dificultade de Bots: Sen Bots.
• Mutators: ningún
• Tempo de partida: 5 minutos

*No caso de que ámbolos dous equipos estean de acordo poderase xogar nunha area distinta, a condición de que sexa de tipo Standard (chan plano, sen obstáculos e porterías empotradas).

Normativa de comportamento e asistencia

• Os participantes do grupo deberán estar no chat antes da hora de inicio.
• Esperarase un máximo de 5 minutos.
• Queda prohibida a detención dunha partida sen xustificación previa.
• Expulsarase da competición a calquera participante que utilice programas, glitches e/ou hacks que faciliten axudas.
• Non se permite o coaching durante as partidas.
• Non se permite a conduta antideportiva polo chat.

Observacións:

• Publicaranse os grupos, se os houbese, e o horario de xogo na intranet do evento.
• Se a organización sospeita de calquera intento de confabulación ou pacto resérvase o dereito a non entregar o premio.
• Os xogadores están obrigados a manter unha actitude deportiva durante o transcurso da competición.
• En calquera caso a decisión do organizador prevalece sobre as normas.
• A esta normativa compleménta a normativa xeral.